السلام عليكم يااخواني في المنتدى
اسمعوني حتى للاخر وانباعد راني انا اعطيت بطاقة حمراء لنفسي ماكلاه تعبو ارواحكم
راني نكوناكتي ساعة على ساعة في السيبار وماعنديش الانترنات في الدار
نكونكتي غير لما انسافر واللا نكون نستنى في حاجة لانني انا ديما مسافر وحاجة اخرى
انا يسموني الطبش ياكل ويرش وهذا اسم ليه معنى ابحثوا عليه تفهموا واش راه يصرا في منتداكم
الحاجة لخرا راني كنت نتبع في المنتدى من زمان ونشوف ونقرا في جميع المواضيع اللي تكتبوها
وشفت ناس كيفاه تخمم وناس كيفاه واهم وناس كيفاه تدمر ماراهوش عاجبها الحال
وشفت بلي كاين عضو واحد ولا عضوين هما الهازين الحمل على ضهورهم والباقي قاعد يخلط
مرات يعجبني الحال ومرات تواهم علي ما نفهمش
لكن اللي شفت واعجبني بزاف هو ذاك العضو اللي خليتوه وحدو يصارع واللي يسموه
تارمونت دز على حسابو نسى قدم تارمونت على دز يضهرلي لازم يكتب دز تارمونت
لاخاطرش راني نشوف فيه غير هو اللي راه يدز في تارمونت بالاك يخرجها لكاش شط يكون فيه البرود
راها قتلتهم السخانة
ياخاوتي انا ماجيتش انسب حتى واحد انا لما شفت الناس واهم قلت واعلاش ياطبش ما تروحش ترش شوية
الناس قاع راهي ترش
والموضوع الاخير اللي شفتو حدث مابين خونا تارمونت وخونا محمد قلقني قلت ندخل وربك كبير نخلط شوية
بالاك تجي في الصواب وفي الاخير ديت بطاقة صفرة اللي كان ممكن يديوها ناس بزاف من قبل
الموضوع اللي خلاني ندخل السي تارمونت متخلق بزاف طرح واحد الاسئلة على السي محمد لكن على حسابو ما فهمهاش
السيد يقولوا واش رايك وكان يجيو يسرقولك المكتبة نتاعك وتروح تحوس على الكتب نتاوعك وتلقاهم يتباعوا في مضرب اخر واش راك رايح تدير يضهرلي غير الابله اللي مايفهمش هذا المعنى واش قالو خونا محمد ازعف وتقلق
ماتنساش مارانيش عندي غير مكتبة راني ممثل 7 دور النشر يالطيف المصيبة انو بعد الرد راح يسرق في مواضيع اخرى
ويقولو اسال عن الناس اللي يعرفوني هذي مصيبة كبيرة المصيبة لخرى انو ولا واحد من الاعضاء لخرين دخل وقال هذا
محال ياسي محمد الشي اللي راك تدير فيه ماهوش معقول ولا المسكين تارمونت يسلك في خيوطو ويطلب في السماح
وسي الطبش غير دخل دا بطاقة صفرة ما خلاوهش يسخن خلاص ياو راهي الدنيا الدور
اما بالنسبة لشيي اللي سبق فهدر وماتخافش واحد جايب بوبية واحد جايب بندير وين رايحين رايحين لمعتدى المسجد
الناس كامل تعتدي عليه وسي الطبش غير دخل وجد لبودي قارد يسناو فيه
وبالنسبة للكلام الي حذفتوه ياسي المدير كلامي كان في الميزان لو تمعنتوه مليح علابالي فيه كلام سوقي لكن اللي مايفهمش
بالغمزة يفهم بحاجة اخرى وحاجة خرى الحشمة عمرها ما توصل المراة لباب دارها افهمها مليح يا سي المدير
وفي الاخير اسمحولي ياناس الحضرة راكم غيرتوني بقعدتكم حافضوا عليها ايلا تروح منكم
واما انا راني مسافر يوميا نتلاقى بعباد اخرين ومدن اخرى نشوف من كل راسة ثقافة ونطلب من خوي تارمونت
ايلشاف تخلاط بزاف غير يبدل المراح بالاك يستراح ويريحنا معاه على خاطرش رانا ندخلوا ساعات ساعات وباش نشوفوا مواضيعو لكن لما نشوفوا التخلاط يوجعنا قلبنا فيحتمنا ندخلوا نخلطو كيما صرانا هذا المرة ودينا بطاقة صفرة
انا راني شايف الحمرة لكن الناس راهم صابرين علينا فاسمحلنا ياشيخ راه القصد منا الصليح ماراهوش التعفاس
السبت مايو 07, 2016 12:11 pm من طرف علواني أحمد
» القصر المهجور
السبت مايو 07, 2016 12:09 pm من طرف علواني أحمد
» احتفلنا فهل يحتفلون
الأربعاء سبتمبر 02, 2015 12:57 am من طرف علواني أحمد
» سؤال في النحو
الجمعة أبريل 04, 2014 1:34 pm من طرف المشرف
» مجموعة من المصاحف الكاملة لعدد من القراء بروابط تحميل مباشرة
الثلاثاء نوفمبر 27, 2012 6:26 pm من طرف aboomar
» انصر نبيك يامسلم
الإثنين نوفمبر 19, 2012 2:13 pm من طرف أهل تارمونت
» برنامج حجب المواقع الاباحية مع الشرح (منقول)
الجمعة أغسطس 10, 2012 1:47 am من طرف allal.ali6
» الدين النصيحة
السبت يوليو 28, 2012 9:32 pm من طرف aboomar
» البصيرة في حال المدعوين وكيفية دعوتهم
السبت يوليو 28, 2012 9:27 pm من طرف aboomar